خطاب التيار الوطني الحر
السؤال الآن : من أشعل الحريق ؟
مع اللحظة الأولى لانفجار المرفأ إعتبر التيار الوطني الحر أنّ التحقيق يجب أن يركّز على مسألتين الإهمال وفرضية الإعتداء الخارجي أو الهجوم المدبّر ، جاء ذلك على لسان رئيس الجمهورية في حينها ميشال عون وهو الأب الروحي للتيار الوطني الحر .
يمكن يكون هالشي وقع كحادث، عن اهمال او عن تدخل خارجي بجوز بواسطة صاروخ بواسطة قنبلة، بواسطة… هيدي طلبنا انا شخصيا طلبت، من الرئيس الفرنسي، انو اذا عندهم صور جوية.. يعطونا ياها حتى نقدر نحدد اذا كان في طائرات او نشوف بهالصور شيء من الصواريخ.
08/07/2020
ولو أنّ النوايا الحقيقية للتيار ، كان قد عبّر عنها في اليوم الثاني بعد الإنفجار عندما أعلن في مقابلة على هيئة الإذاعة البريطانية أنّ السؤال اليوم هو من أشعل الحريق في العنبر ، مقدّمًا بذلك فرضية العمل المدبر على الإهمال
They knew, that the material the nitrate ammonium was there, and the question now is not about its presence and how and why. The question now is how it was ignited? because we know that by itself it cannot be ignated it needs a combustible and heat.. and what was that combustible? was it the heat was a solvent present there as they are claiming? or was it something that cannot be ruled out an attack out of a series of attacks that suspicious attacks that we saw not only in Lebanon in syria and in Iran and this gives us the right as Lebanese people and officials to have this question until we have the results of the investigation what ignited that nitrate ammonium.
06/08/2020
نعم للمساعدات الدولية ولا للتحقيق الدولي
في هذا السياق ، لم يتردّد رئيس الجمهورية في اعتبار هذا "الحادث" فرصة لفكّ ما أسماه الحصار على لبنان ، في إشارة الى المساعدات الخارجية
هوي هالحادث فك الحصار.. تقريبا جميع الرؤساء الفاعلين من أميركا، للدول العربية، للدول الاوروبية، كلهم اتصلوا فيي وأعلنوا تضامنهم مع الشعب اللبناني واستعدادهم للمساعدة المادية.
07/08/2020
ولكن عون رفض أيّ تحقيق دولي معتبرًا إياه مضيعة للوقت والحقيقة .
صحافي: ألا تعتقد ان المطالبة بتحقيق دولي الهدف منه تضييع الحقيقة؟
عون: أكيد وفي عنا متل تاريخي.. والحكم ما عاش الو معنى.. اذا طول، لأن لازم تكون القضاء سريع بهالموضوع. لان متل ما بقولوا العدالة المتأخرة ليست بعدالة. العدالة لازم تكون فورية، طبعا بكون بدون تسرّع.
07/08/2020
عدالة سريعة من دون تسرّع لم تتحقّق بعد، علمًا أنّ رئيس الجمهورية نفسه إعترف بعد ذلك أنّ وزير داخليته تسرّع عندما حدّد خمسة أيام لإعلان نتائج التحقيق .
يمكن انو تسرّع شوي بتحديد هالوقت، لانو قضايا متل هيدي مكونة خلال سنوات عديدة، وبعدين بعدها الاسباب مجهولة لي صارت
31/08/2020
بهيدي العدالة ما رح في يكون كبير ما بينطال، ولا صغير.. مش متل العادة الصغار بياكلوها.. في كاتب فرنسي مشهور بلزاك قال: القانون متل خيوط العنكبوت بيخرقها الدبان الكبير، وبيعلق فيها الدبان الصغير هون ما رح يكون في حدن صغير ولا حدن كبير. ابواب المحاكم رح تكون كلها مفتوحة قدام الكبار والصغار.
07/08/2020
عدالة بعد فوات الأوان
ولكن يبدو أنّ عون إستثنى نفسه من هذه العدالة ، فهو كان قد قالها صراحةً إنه كان يعلم بوجود النيترات بأيام قبل إنفجارها
اي وصلنا مؤخرا، حوالى 20 تموز بعتقد، والاتامجور، مختص بالاعمال العسكرية. دغري اتصل بالامين العام الدفاع، واتحادث هوي وياه وبعتوه للمعنيين بالامر.
07/08/2020
المواد صرلها 7 سنين، من ال 2013 .. موجودة، عم بقولوا خطرة. وأنا مني مسؤول ما بعرف وين محطوطة يعني، ولا بعرف شو درجة الخطورة. وما الي صلاحية اتعاطى بالمرفأ مباشرة. في تراتبية لازم تعرف واجباتها. هودي اللي كلهم كانوا على اطلاع. هالتبليغ مش أوامر؟ وقت بتحولي معاملة بتقول لاجراء اللازم، مش أمر؟
07/08/2020
اذا بدك تحملوني المسؤولية لإلي يعني بدك تنقض بدك تخطف كل شي في ناس تحت رئيس الجمهورية. لان رئيس الجمهورية بيسهر على التنفيذ. ما بيقدر يسهر على تنفيذ شغلة ما بيعرفها. قضية المتفجرات اللي كانت بالمرفأ اصلا ما كنت أعرفها، يوم اللي وصلي الخبر كان
CETAIT TROP TARD
31 /08/2020
The investigation will show why the responsiveness to the alert given by so many government officials were neglected, and the responsiveness was really on repetitive times not taken seriously.
06/08/2020
بدنا نحدد مسؤولية الاشخاص يلي استقبلوا الباخرة، ويلي اهملوا وضعها، بدون علم السلطات السياسية يلي مسؤولة عن هالموضوع وخصوصا في حالة مش مكلفين يبتوا فيها هني. لانها مش متل العادات الجمركية، ولا المسؤولين عن المرفأ انو تصير هالشغلة هيدي.
16/8/2020
ترتيب أولويات التحقيق
بعد ذلك رسم رئيس الجمهورية خريطة طريق للتّحقيق ، معتبر أنّ الإنطلاقة يجب أن تكون بالبحث عن مصدر النيترات
هيدا الموضوع، لازم يبلش فيه التحقيق. التحقيق لازم يعرف من وين اجت الباخرة، وين اتحملت بالنترات، ليه وصلنا لهون، مع انو كانت متواجدة هي الها مكان آخر؛ مين مسؤول عنها. كل هالأمور هيدي لازم تتوضح قبل ما نعمل التحقيق. ماذا صار من بعد وجود هالمواد بال ااا عالرصيف.
31/08/2020
هذا الموقف سرعان ما تبلور بشكل أوضح عندما قام جبران باسيل وعلى نحو صريح بترتيب أهمية الأمور المتصلة بالتحقيق في انفجار المرفأ ، معتبرًا أنّ الإهمال هو المسألة الأقل أهمية .
نحن قلنا أكتر من مرة جريمة المرفأ تلات طبقات الطبقة الأولى والأخف هيي الاهمال الوظيفي الطبقة التانية هيي التهريب واستعمال النيترات والطبقة التالتة هيي الانفجار ان كان عمداً أو نتيجة الخطأ يلي صار علينا نحن بهاي الجريمة بكل مراحلها التلاتة مسؤولين رسميين عندن حصاناتن أو لأ علينا نحن كنواب نعطي للقضاء اللبناني كل القدرة والصلاحية ليقدر يمارس دوره
2/08/2021
بمعزل عن أنه من غير المفهوم كيف يمكن فصل الإهمال والفساد عن التهريب او السرقة المحتملة للنيترات من المرفأ ، فإن هذا التقليل من أهمية الإهمال والفساد من قبل التيار الوطني الحر ، جاء كون العديد من الموظفين الحكوميين ممن تمّ توقيفهم على خلفية انفجار المرفأ كانوا من المحسوبين على التيار ! وهنا لم يتردد جبران باسيل من الدفاع صراحة وعلانية عن هؤلاء المدراء والموظفين المحسوبين على تياره .
ومقولة انو الضعيف هوي يلي بروح عالقضاء هيدي معاكسة لمنطق الدولة والعدالة أما كل الناس بتروح عالقضاء او ما حدا بروح وانت يا حضرة المحقق العدلي أما بتقدر تجيب الكل لعندك أو بتفلّت الأبرياء المسجونين عندك , شو يعني واحد بخرب البلد حتى ما يروح عالقضاء طيب ما نحن بدري ضاهر وشفيق مرعي وحنا فارس وغيرن وغيرن عاملين شغلن ومظلومين وشجعناهن يروحوا عالقضاء والن سنة وشوي محبوسين وما فتحنا تمنا.
13/10/2021
هكذا وفي سياق دفاعه عن المحسوبين عليه ، اعتبر التيار أنّ توقيفهم هو استهداف للضعفاء وهذا لا يستقيم مع منطق العدالة والدولة، ليعود ويطالب من بعدها مباشرة بمعادلته التي تقول بتوقيف الجميع او بإطلاق سراح الجميع ، وذلك على خلفية رفض الوزراء المحسوبين على حلفائه في حينها حركة أمل وحزب الله المثول أمام قاضي التحقيق الذي قرّر الإدّعاء عليهم، علمًا أنّ من بين الذين رفضت رئاسة الحكومة (مجلس الدفاع الأعلى) إعطاء إذن بملاحقتهم رئيس جهاز أمن الدولة اللواء طوني صليبا المحسوب على التيار الوطني الحر !
على أنّ الخطير في دفاع التيار الوطني الحر عن الموظفين والمدراء المحسوبين عليه كان أنه استند على نشر معلومات مضللة في ما يتصل بتحقيق المرفأ .
شفيق مرعي بيّن بالكتب يلي انبعتتلنا نحن على مجلس النواب انو باعت لوزير المال يقلّو دخيلك أنا مرة وتنين بعتت لقاضي الأمور المستعجلة يعملوا حجز قضائي دخيلك للمرة التالتة عم بتوجّهلك انو رفعلي ياها لهيئة القضايا لأنو هيدي مواد خطرة طب بللي مبعتلنا هيدا الزلمي عامل شغلو والو سنة بالحبس طب ليه ؟ وغيرو وغيراتو الموضوع مش هون الاهمال الوظيفي هوي جزء من الموضوع اوك.
28/07/2021
في موظفين غير مسؤولين عن الموضوع بشكل مباشر قاموا بواجباتن كتبوا نبّهوا حذّروا وهني مسجونين من سنة من سنة وفي موظفين مسؤولين عن الموضوع ما قاموا بواجباتن ولليوم لم يساءلوا.
2/08/2021
لم يكتفِ التيار الوطني الحر بالدفاع عن المحسوببن عليه ممن تم توقيفهم، بل ذهب الى اتهام آخرين بالإهمال مشتكّيًا انه لم تتم مساءلتهم ! وبمعزل عن أنه من غير الواضح ما هي المعطيات التي استند عليها التيار في إتّهامه هذا ، يبقى اللافت أنه لم يقم بتسميته هؤلاء المقصرين !
عن سرقة النيترات
من حق اللبنانيين يعرفوا مين أدخل البضاعة وليش وكيف تم استعمال أكتر من الفين طن منا انفقدوا من المرفأ ومين غطى ابقاءا بالمرفأ ليتم استعمالن وكيف تفجّرت لما انكشفت قصتا وصارت تتداول على نطاق أوسع.
2/08/2021
السردية التي تقول بوجود مقصّرين لم تتم مساءلتهم والتي روّج لها التيار الوطني الحر لم تكن معزولة عن سرديات أخرى روّج لها أيضا التيار وتربط بين هذا التقصير وعمليات سرقة لنيترات الأمونيوم من مرفأ بيروت وحريق إفتعل للتغطية على عملية السرقة هذه!
في ناس أكتر من هيك قاموا بإدخال مواد النيترات بإبقاءا وحفظا والسهر عليها سبع سنين تتبقى محل ما هيي بقلب المرفأ وتلاتة : قاموا بتهريبا تهريب النيترات وكلنا عارفين انو بس يمكن حوالي 500 طن من ال 2700 تهربوا يعني 2200 طن يعني أكتر من 100 كميون خرجوا من المرفأ من هالمواد هيدي هودي اذا حطيناهن ورا بعض بيطلعوا أطول من 2 كيلومتر هودي كيف معقول يكونوا ضهروا من دون ما انشافوا تحت رعاية مين ضهروا ؟ وكيف تهربوا من المرفأ هون في مسؤولية على موظفين وعلى غير موظفين هيدا الشي منو سر مش معقول ما يقدر يكشفوا حدا عم يقوم بالتحقيق وهودي الناس لليوم بعد ما انسألوا ولا انجابوا على التحقيق ولا صار فيه ملاحقة جدية لإلن منشان هيك الموضوع يلي عم نتعاطى في موضوع المرفأ هوي موضوع أمني بإمتياز ومنو بس موضوع اهمال وظيفي من دون ما يعني هيدا الشي انو نحن مش مع معاقبة كل من أهمل وظيفياً.
2/08/2021
حتى لو افترضنا أن رئيس التيار الوطني الحر كان يلمح لموظفين آخرين سواء في الجمارك أو الجيش لم تتم مساءلتهم، هذا لا يعفي المحسوبين عليه من المسؤوليّه ومنهم من كان مديرا للجمارك !
السبب الأساسي الأساسي للإنفجار
هذا التناقض في الخطاب ، سيأخذ شكلًا فجًّا لما انقلب موقف رئيس التيار الوطني الحر وفي نفس المقابلة التلفزيونية لكون الإهمال الوظيفي ليس السبب الرئيسي للإنفجار، ليعود ويصبح السب الأساسي الأساسي للإنفجار هو سوء الإدارة بمرفأ بيروت !
الاهمال الوظيفي هوي جزء من الموضوع اوك , في الجزء الأهم هوي مين فوّت النيترات واستعملو وسكت عليه هالسنين ويمكن حدا من الموظفين عامل هيك من هالموظفين يلي عم يتحقق معن او من هالسياسيين يلي عم يتحقق معن يمكن عارف وعم يعمل هيك وفي جزء تالت يلي هوي مين فجّر فإذاً الطبقة الأولى مش مش مهمة مهمة بس مش هيي الأساس.
28/07/2021
– بدي قلك شي أهم انا اهم بكتير أنا بدك للحقيقة شو السبب الأساسي الأساسي للإنفجار؟ الأساسي : سوء الإدارة بمرفأ بيروت
– المذيع: سوء الادارة بمرفأ بيروت
– هلأ بدك تسمعني هون منيح
28/07/2021
التناقض هنا يعود لمسألة بديهية ، وهي أنّ هيئة إستثمار مرفأ بيروت ووزارة الأشغال المسؤولين عن إدارة المرفأ ليسا من حصة التيار الوطني الحر ، لذلك لم يتردد التيار في رفع أهمية سوء الإدارة إلى المرتبة الأولى عندما تعلّق الأمر بإدارة المرفأ ، ولكنه في المقابل جعلها في أدنى أهمية عندما تعلّق الأمر بالجمارك التي تتمتع بسلطة ضابطة على المرفأ !
عن القصد الإحتمالي
يكمل التناقض في خطاب التيار الوطني الحر لما يصل إلى مسألة القصد الاحتمالي ، ذلك أنّ المحقق العدلي لم يكتف بالادّعاء بالركون الى الإهمال بل أضاف القصد الاحتمالي ، وهو احتمال أن يكون الموظفين والمدراء والوزراء على علم كامل بخطورة هذه المواد والنتائج المترتبة عن تخزينها ولكنهم مع ذلك لم يقوموا بإزالتها لاعتبارات تتخطى الإهمال الوظيفي!
وهيدي الحادثة بتختصر الاهمال والفساد والتفلت الأمني بالبلد, تفلّت رسمي وغير رسمي وأوقات الرسمي ببيّن انو اخطر.
2/08/2021
هلأ في نقزة من يلي عاملو هوي انو الناس شافت انو عامل ادعاء على أساس مواد بالجزا على قصد القتل الاحتمالي يعني أكتر من اهمال وظيفي فبتنقز الناس طب ليه اذا واحد موظف كاتب للمسؤول تبعو قايلو عم بلغك في هالشي ليه بدك توقفو ؟ هلأ المثول قدامو شي والتوقيف شي تاني.
28/07/2021
موضوع القصد الاحتمالي كان واحدًا من ملاحظات كثيرة وضعها التيار الوطني الحر على المحقق العدلي السابق، ومنها الادعاء أنّ التحقيق أهمل التقرير التقني وبأنه تم حصره في شق الإهمال الوظيفي وتم تجاهل الشقّ الإجرامي .
ما بجوز القاضي يحصر تحقيقو بالشق الاداري بس ما بجوز لليوم ما يعمل التقرير اللازم والمطلوب لحتى شركات التأمين تدفع الأموال للمستحقين شو هالتقصير هيدا
10/01/2021
ولو هيدي قضية فيها تهديم العاصمة فيها لأكتر من 200 شهيد وآلاف الجرحى هيدي بيروت ست الدني اهلها انقتلوا على ايد دولتن وبيخلص الملف عم يتصارع هلأ فيه خطّين واحد بدو يوقّف التحقيق والتاني بدو يمشيه باستنسابية وشعبوية وعم يحصروا بشق الاهمال الادراي والوظيفي وبيتجاهل الشق الإجرامي.
10/01/2021
عن الفرق بين الإستنسابية والتسييس
في إشارته إلى الذين يحاولون إيقاف التحقيق كان التيار الوطني الحر هنا يحاول أن يتمايز عن حلفائه المتهمين بعرقلة التحقيق من خلال تقديم طلبات رد بحق المحقق العدلي ، علمًا أنّ مدير الجمارك بدري ضاهر المحسوب على جبران باسيل من بين الذي تقدموا لاحقا بطلبات رد ضد المحقق العدلي طارق البيطار! وفي هذا السياق التمايزي حاول التيار الوطني الحر التسويق لتمييز ما بين الاستنسابية والتسييس ، متهما القاضي بالاستنسابية ورافعًا عنه تهمة التسييس التي وجهها للمحقق العدلي كل من حزب الله وحركة أمل !
نحن ضد أي تسييس أو استنسابية بالملف واضح انو في استنسابية بمسارالتحقيق وفي كتير اسئلة مشروعة عن الاداء الحاصل ولكن مش واضح بعد انو في تسييس من جانب القاضي
13/10/2021
في حين أنه لم يكن مفهوما ما هو الفارق بين الاستنسابيه والتسييس ، تابع التيار على نفس هذا النسق المبهم للمتمايزين حلفائه المتهمين بعرقلة التحقيق ، لا سيما في مسألة أحقية القضاء العادي في محاكمة الوزراء والنواب في موضوع إنفجار المرفأ .
حصانة الرئيس
هيدا أكبر تكريم بينعمل للشهدا اذا حدا بدو عن جد الحقيقة ويبلسم جراح المنصابين بيدعي لجلسة بينرفع فيها الحصانات احتراماً للشهدا واجلالاً لإلن واعترافاً بضخامة الشي يلي حدث لأنو هيدا الشي مش مسبوق يلي صار الرئيس رئيس الجمهورية أعطى المتل.
2/08/2021
المذيع : قبل رح اسمعلك بس قبل قلتلي بعرف شو الهدف السياسي من هيدا الاقتراح السياسي يلي عملو سعد الحريري
ولك واضح انو عم يقوّص سياسياً عرئيس الجمهورية ما هوي بلّش من … ونزول
المذيع : بس هوي ما عفي حالو
ولك اوك اوك مش مشكل انا كمان الرئيس يعني غير وضعو الخاص بالدستور وكرئيس للبلاد بس انا مع كل حدا اذا هوي معني بالموضوع لازم يعطي شهادتو ويعطي يلي عندو للمحقق العدلي
المذيع : يعني عم تقول هيدا استكمال للمعركة السياسية ضد الرئيس؟
مش مشكل مش مهمة خلي القاضي العدلي اكيد اذا بدو شي من رئيس الجمهورية بيقدر يحصل عليه
المذيع : ادارة المرفأ
خود مني فهيدي بسيطة هيدي القصة بيقدر رئيس الجمهورية اكتر من مستعد متل متل بتخيلو ومتل ما بعرفو
المذيع : بس حتى لو مستعد اذا الدستور ما بيسمح ما في يتخطاه حتى لو الرئيس
مش مشكل في اصول بتنعمل مش مشكل خود مني أهين شي ميشال عون بهاي القصة
28/07/2021
أنا بعرف كتير منيح انو شو هيي المادة 70 و 71 من الدستور نحن كل يلي قلناه وقتا انو بعرف هيدا موضوع في عليه اجتهادات وفي عليه تفسيرات متناقضة بتّوه بالقضاء بالهيئة العامة التمييزية بالمجلس الأعلى للقضاء أو بتّوه بمجلس النواب ونحن بننزل بنحضر بس نحن اخدنا موقف من عدم التصويت الى جانبكن لانو انتو ما حطيتوا ايدكن عالملف من الاول القاضي فادي صوان استدعى نواب ووزرا عدة مرات وما حدا اعترض وضليتوا قبلانين بس دق بناسكن قلتوا لأ هيدي صلاحية لمجلس النواب
21/12/2021
هنا يكمل باسيل في سرديّته التي تفترض أنّ مثول الوزراء أمام القاضي بمثابة تخلّي عن الحصانة (وهذا غير صحيح) ، على أنّ الأهم في ما قاله المقايضة التي لمح إليها مشيرًا أنه لم يصوت مع حلفائه في موضوع محاكمة الوزراء المدعى عليهم أمام المجلس الأعلى وليس المحقق العدلي ، لأن حلفاءه لم يقفوا إلى جانبه عندما قام المحقق العدلي بتوقيف المحسوبين عليه بعيد إنفجار 4 آب !
مع ذلك فإنّ خطاب التيار الوطني الحر لم يبتعد كثيرًا عن الحصانة التي طالب بها حلفاؤه، فهو طالب المحقق العدلي بمعاملة مميزة مع الوزراء المدعى عليهم و بتقديم ضمانات !
عليه هوي انو من ضمن واجباتو انو يطمن كل يلي بريد انو يستمعلن انو هوي مش آخد سلفاً قرار بتوقيفن وانو هوي مستعد يستمعلن ويعطيهن حق الدفاع الكامل عن نفسن وبعيدن بقرر اذا بتم توقيفن أو لأ هون في تعاطي مع رؤسا حكومات مع وزراء مع نواب مع رؤسا أجهزة أمنية ما لازم يكون في شعور عند حدا بأيا استهداف أو أيا انطباع بتشفّي أو بإستنسابية أو بإرضاء رأي عام أو وسائل تواصل اجتماعي
2-08-2021
شاركنا رأيك!