خطاب حزب القوات اللبنانية
لا ثقة بالتّحقيق المحليّ
حزب القوّات اللّبنانيّة كان من بين القوى السياسيّة الّتي طالبت بتحقيق دوليّ للوصول إلى الحقيقة، وقد ذهب أبعد من ذلك معلنًا عدم ثقته بالتّحقيق المحليّ ، خصوصًا أنّ الأجهزة القضائيّة لديها مسؤولية كبيرة بما حصل .
بين هلالين التحقيقات يلي عم تصير هلأ بتأسف قول هيك ويلي نحن هالتحقيق منا معترفين فيه أصلاً قبل ما يبلش وبالأخص من بعد ما ينتهي لأنو مطلبنا الأساسي والفعلي اذا بدنا نحصل على نتيجة فعلية هو تحقيق دولي لأنو كمان في مكان ما في مكان ما الاجهزة القضائية عندا مسؤولية كبيرة بللي صار باعتبار الأمر كل الوقت مطروح قدام قاضي الأمور المستعجلة اذا ما كان مطروح قدام هيئات قضائية أخرى وأرفع بنفس الوقت.
12/08/2020
توسّع رئيس الهيئة التّنفيذية سمير جعجع في تعليل موقفه ، بأنَه من غير الممكن للسّلطات اللبنانية التّحقيق في الموضوع لأنّ الدّولة متّهمة على كلّ المستويات .
بالتحقيقات الداخلية رح قلك ليش لا ثقة لنا لانو الدولة على كل المستويات متهمة هيي بدها تحقق؟ من ناحية تانية طبعاً عنا ثقة بالتحقيق الدولي منشان هيك رح نروح أبعد من ما رحنا ليه بالوقت الحاضر ورح نمضي عريضة لكل المتضررين من انفجار المرفأ تطالب بتحقيق دولي وأكبر دليل بالتحقيق الدولي يحوه التحقيق الدولي برغم من الظروف كتير صعبة يلي اشتغل فيها أدى لنتيجة ليش بنفترض انو ما ادى لنتيجة شو بدو يعمل التحقيق الدولي ادى لنتيجة دلّك عالطريق هلأ انت كدولة تمشي عالطريق أو لأ هيدي صارت شغلتك اوك يا ذوات ؟
17/08/2020
الدّفاع عن التّحقيق المحليّ
تحوّلًا بدأ يطرأ على القوّات مع إدّعاء صوّان على الوزراء ورئيس الحكومة السّابق ، حيث لم يوقّع نوّاب القوّات على العريضة الّتي تطالب بمحاكمة الوزراء أمام المجلس الأعلى لمحاكمة الرؤساء والوزراء في قضية المرفأ . ومن بعد عزل فادي صوّان وتعيين القاضي طارق البيطار محقّقا عدليًّا أصبحت القوات من أبرز المدافعين عن التّحقيق في إنفجار المرفأ .
بكل صراحة عند بداية التحقيق بانفجار المرفأ كان انطباعي أن حزب الله لا علاقة له بكل هذه المسألة ولكن ما يجري الآن وما جرى مع القاضي السابق فادي صوان يجعلني أشك من أن لحزب الله شيئاً ما في قضية انفجار المرفأ لذلك يقوم بهذا التصعيد ولكن هذا ليس معناه أن تنحرف المسألة القضائية عن مسارها الحقيقي.
13/10/2021
وبدي ذكر الجميع انو كل هالقصة بلشت من 4 اشهر مش هلأ أول ما كان مبلش القاضي بيطار وبقلك كمان لأحكي بكل صراحة أنا اول ما تعيّن القاضي بيطار تطلعت هيك عندو بايبي فايس هيك مدري كيف قلت يا عمي قضية بهالحجم جايبين عليها هالقاضي المعتر شو بدو يقدر يعمل وبدي ذكر الجميع انو ضلينا من بعد منا بشهر وشهرين من بعد ما عيّن القاضي بيطار ضلينا عم نتابع نحن مساعينا للتوصل الى تشكيل لجنة تقصي حقائق دولية انطلاقا من انو اعتبرنا انو كتار من الدولة اللبناينة الن علاقة بانفجار المرفأ واعتبرنا انو هالقاضي المعتر شو بدو يقدر يعمل وبالتالي ما رح نوصل لنتيجة أفضل نروح من الأول على لجنة تقصي حقايق واذ عم بحكيك من 4 اشهر بيطلع السيد حسن نصرالله وبينقض عالقاضي بيطار أنا من ساعتها بلشت اذا بدك اهتم مش اهتم بلشت انتبه ل يلي عم يجرب يعملو القاضي بيطار وبلشت تتوالى الأحداث رجع مرة تانية السيد حسن نصرالله رجع مرة تالتة رجعت فرطت الاوركسترا كلها سوا عالقاضي طارق بيطار.
15/10/2021
من هنا يمكن الفهم أنّ دفاع القوات عن التّحقيق المحليّ جاء بعد هجوم حزب الله عليه ، علمّا أنّ سمير جعجع أكّد مرارًا بأنه لا تربطه أيّة صلة بالمحقّق العدليّ معتبرًا أنّه لجهة عائلته أقرب للمحور الآخر.
بدي قلك شغلة أنا ما بعرف القاضي طارق البيطار وبكل صراحة حتى ما بعرف شو عم يعمل وما بتصوّر حدا منا بيقدر يعرف شو عم يعمل لأنو التحقيق سري.
15/10/2021
إستنفار الشّارع
وقد ذهب سمير جعجع بعيدًا في الدّفاع معلنّا جهوزيّته للتّصدي في حال تمّ الرّكون إلى وسائل غير تقليديّة للإطاحة بتحقيقات المرفأ .
أما فيما يتعلق بالتهديد لـ اللجوء الى أساليب أخرى لمحاولة وقف العدالة فإنني أدعو اليوم ومن هنا بالذات وفي هذه اللحظة بالذات الشعب الللبناني الحر على مختلف انتماءاته وفي مختلف مناطقه ليكون مستعداً في حال حاول الفريق الآخر استعمال وسائل أخرى لفرض ارادته مرة من جديد على اللبنانيين جميعاً بالقوة.
13/10/2021
موقف جعجع هذا جاء بعد التّهديد الّذي نقل إلى المحقّق العدليّ طارق البيطار
انو ان يرسل حزب الله مسؤول منو هوي مسؤول العلاقات العامة والعلاقات مع الأجهزة الأمنية الحاج وفيق صفا أن يرسله الى قصر العدل في بيروت وأن يبعث برسالة مباشرة الى قاضي التحقيق انو انت يا بتحل يا بنحلك انو لو ما عندو مسؤولية حزب الله ليش ليعمل هيدا كلو سوا.
13/02/2023
على أنّ هذا الموقف للقوّات ساهم في توتير الشارع ، وقد جاءت في هذا السياق أحداث الطيونة لتشلّ التّحقيق تمامًا .ليخرج من بعدها جعجع ويعلن أنه لن يتخلّى عن كشف الحقيقة في إنفجار المرفأ حتى لو تخلّت الدّول الغربية عن هذا الأمر .
عم خوض معركة مبدئية يجب أن تخاض اذا الدول الغربية والفاتيكان عراسها ما بدن يعرفوا لحقيقة نحن بدنا نعرف الحقيقة هيدا أمر لا مفر منو وعيب عيب عيب نحكي بهالمنطق انو اذا الدول الغربية بدها ايه تأفرض ما بدا نحن ما بدنا ؟ ليش يلي ماتوا هون من الدول الغربية ولا من شعبنا نحن ليش يلي تدمرت واشنطن ولا باريس؟ولا تدمرت بيروت ؟ لأ ابدا نحن بما يتعلق بتحقيق العدالة بما يتعلق بكشف الحقيقة بانفجار مرفأ بيروت أبداً بتسميها انت مغامرة بتسميها مقامرة بتسميها موقف مبدأي بتسميها ملاحقة للحقيقة سميها البدك ياه بس أكيد رح نضل ملاحقينها للآخر يعني يا عمي في انسان لوحدو اسمو طارق البيطار مجمّد هالقد نحن كقوى سياسية مفترض نحن نحمل هم المجتمع بنجي بنتراخى بهيدي بنقول لأ ؟
15/10/2021
بناءً عليه ، تابع جعجع في دفاعه عن المحقّق العدليّ مطالبًا القوى السياسيّة المعترضة على طارق البيطار أن تنتظر القرار الظنّي أولًا ليُبنى على الشّيء مقتضاه .
في اتهامات شو عندو دليل حسي ووين كيف ليش , بعدين القاضي بيطار مش هوي رح يصدر الأحكام القاضي بيطار رح يصدر قرار ظني القرار الظني رح يروح 5 أهم قضاة بلبنان كلن كمان الامركان شاغلينن وكلن رح يفوتوا من خلالن؟ طيب السيد حسن ما رح يعين محامين للمتهمين هالمحامين رح يقعدوا يسكتوا ؟ افترض الأمركان تدخلوا
بالمحكمة الدولية ما عيّن للمتهمين
مبلى عيّن مبلى مبلى وبرضو عيّن
بالمحكمة عيّن
ايه ورجعوا عيّنوا كمان محامي ليستفيدوا عالميلتين بيرجعوا بيتهموها على انو محكمة … طب المحكمة الدولية داخل فيها اسرائيل وأميركا والأمبريالية والصهيونية وهون كمان مع طارق البيطار ؟ ما كل العالم بتعرف طارق البيطار خلفية بيتو شو استاذ وليد قومية سورية شو بنحكي كل شي ؟
البيت يعني طبعاً
ايه البيت طبعاً هوي نط من هونيك صار امركاني على صهيوني مش مزبوط ما فينا نتهم أي حدا بأي شي اذا عم يعمل شغلة مش عذوقنا ؟
15/10/2021
شاركنا رأيك!