التفريغ والعنابر
مع نهاية حزيران 2014 صدر عن قاضي الأمور المستعجلة قرار يرخّص للمستدعية "الدولة اللّبنانية" يرخّص لها بتفريغ الحمولة في مكان مناسب وتحت حراستها ، ولكن بحسب مدير مديرية النقل القاضي أخطأ في قراره.
القاضي ما بيعرف انو نحن ما عنا أبداً أي سلطة على المساحات البرية بالمرفأ ! المساحات البرية نحن واو ما بيعرفوا بالقانون سلطة المديرية العامة للنقل البري والبحري بتخلص عند آخر نقطة مي بمحاذاة الرصيف
30/3/2022
يزعم القيسي هنا أنّ القاضي اختار المرفأ كمكان مناسب ، ولكنّ الوقائع تقول أنّ القيسي هو من اختار المرفأ كمكان لتخزين نيترات الأمونيوم ! أمّا اختيار العنبر 12 فكان من صلاحية هيئة إستثمار مرفأ بيروت .
أنا ما الي دور منشان هيك أخدت 3 أشهر ادارة المرفأ تجاوبت مديرية النقل من بعد ما بتاخد رأي ظابط أمن المرفأ لأن هوي بدو ينقي المكان وفي عندن عملية المرفأ يلي بدا توافق بيرفعوا الكتاب لمدير عام ادارة واستثمار المرفأ يلي آخر شي بوافق بناءً على الموافقات يلي بتجيه من ضابط أمن المرفأ وعمليات المرفأ
فراس : وبعد كل هذه المراسلات والاتصالات تم اختيار العنبر رقم 12 كمكان لتنفيذ هذا ال .. أو لوضع هذا النوع
جزء منو جزء منو
9/3/2022
إدارة المرفأ
الرئيس للجنة المؤقتة حسن قريطم لا ينفي اختياره جزء من العنبر 12 ملقيًا مسؤولية حراسة البضاعة على من أفرغت البضاعة أي مديرية النقل .
أول شي امكانية اعتماد جزء من المستودع رقم 12 وهو مقسم للمواد الخطرة يعني أول شي مش عم نعطيهم العنبر عم نعطيهم جزء من وهيدا كان امكانية
23/3/2022
فراس حاطوم: مين مفروض يعمل هيدا الشي ؟
الأشخاص المسؤولين اللي بدهم يفضوا الباضاعة ويخزنوها ويللي على مسؤوليتهم وتحت حراستهم هني بدن يعملوا هيدا الشي
23/3/2022
ولكنّ اختيار قريطم للعنبر 12 جاء رغم تحذيرات تلقّاها من رؤساء المصالح لديه بأنّ العنبر ليس مجهزًّا لاستقبال هكذا مواد
كل عملية الاختيار النهائي لوضع هال… راجع كان للادارة المختصة
فراس : يعني حضرتك بهيدي المراسلة يلي وصلت لعندك شفت او ما شفت الرأي تبع الأستاذ مصطفى فرشوخ والاستاذ غازي شلالا ؟
أنا شفت بس شفت أهم الرأي الأهم لإلي انو بالنهاية من بعد ما هني قالوا انو منو مجهز أو ناقصو بعض التجهيزات بيرجع رأي المدير تبعن بقول لانو لأ هيدا الشي موجود ومنقترح انو نستعمل العنبر 12 وبالتالي انا بعتلهم انو انتوا حضروا المكتوب يلي بدنا نبعته للإدارة … والاستاذ مصطفى فرشوخ , هني اللي حضروا المكتوب .
23/3/2022
يرفع قريطم عن نفسه المسؤولية ويلقيها على مدير العمليات في إدارة المرفأ سامي حسين الذي يقوم بدوره بردّ كرة المسؤولية له.
حطوا مع لفت النظر أنا تبيّنت الكتاب متل ما هوي وأنا بهالوقت هيدا يعني بين انو كتبت وبين انو سألت , سألت الاستاذ مصطفى قلي في مساحة بالمستودع رقم 12 , المستودع رقم 12 اسمو مستودع المحروقات نحن عنا منو يعني .. يعني مجهز يعني مثلاً في السقف تاعو فوق مفتوح بشبك في اطفائيات بقلبو في كل شي بقلبو
فراس : بس هني ذاكرين بالاقتراح تبعن بالملاحظة تبعن انو غير مجهز يعني بأجهزة السلامة العامة ليش ذاكرين هيدا الشي اذا حضرتك عم تقول انو مجهّز؟
سامي حسين : لالا انا ما قلت , انو في اطفائيات في اطفائيات بالمكاتب وفوق في تهوئة قصة انو غير مجّهز انا تبنّيت هالاقتراح هيدا وكتبت اننا نستطيع استقبال البضاعة اللي بالباخرة بالعنبر رقم 12 وبعتت الكتاب متل مل هوي عند الرئيس قريطم الرئيس قريطم هوي الآمر الناهي بالقصص هيدي
23/3/2022
الجمارك والعنابر
يجزم عبد الحفيظ القيسي أنّ العنبر 12 يقع ضمن صلاحيات الجمارك وإدارة المرفأ ولكن لمدير الجمارك رأي آخر ، حيث ينفي بشكل قاطع أن يكون للجمارك أيّ سلطة في عملية تخزين البضائع
حتى الفيش دونتري يلي بيتسجل عليه هالبضاعة هاي في ملاحظة تحت يلي بتقول أصبحت هالبضاعة هاي بعهدة ادارة واستثمار مرفأ بيروت وادارة الجمارك.
23/3/2022
تنوضّح للناس انو هاي ال Magasinage أو ما يسمى بتخزين البضائع نحن ما النا أيا مهمة ولا سلطة على موضوع تخزين البضائع وكيفية تخزينها والبضائع الخطرة وهيك اشيا بقا هيدي في مسؤولية تانية ونحن في شي اسمو الانتظام العام ما بنتعدى على مسؤوليات تانية
6/8/2020
كلام ضاهر ، ينفيه رئيس الميناء محمد المولى الذي يؤكّد أنّ مفاتيح العنبر 12 مع الجمارك وإدارة المرفأ ، وهو ما لم ينفه ضاهر معتبرًا أنّ ذلك من أجّل منع التهريب وتحصيل الرسوم الجمركية فقط لا خير .
عم بشرحلو وهيدا العنبر الو حراسة قانونية بالجمرك وادارة المرفأ والو مفتاحين مفتاح للجمرك ومفتاح للمرفأ ونحن ما بيعطوني المفتاخ لأن قلتلو نحن جزء من العنبر , اتطلع فيي وشرحتلو عال ISPS
فراس حاطوم: جزء من العنبر قصدك انو البضاعة موجودة بجزء من العنبر ؟
جزء ما في الجزء التاني للجمرك وادارة المرفأ يعني معقول يعطوك المفاتيح يا استاذ فراس كيف ما بتركب.
9/3/2022
صحيح نحن بموضوع فتحة الباب وتسكيرة الباب نحن حراس ليه نحن بس كرمال ناخد الرسوم والضرائب مش منشان شي تاني نحن ما النا علاقة بقصة كيف بيتخزنوا بينحط هون بضاعة او بينحط مي أو بينحط بنزين هيدا موضوع خارح عن مهمة الجمارك اصلا الجمارك عندا مهمة تستوفي الرسوم ليش نحن بنفتح نحن وبنسكر منشان التهريب ما يتهرب حدا من الرسوم هاي هيي كل الخبرية , نحن حراس خزينة الدولة اوك.
6/8/2022
تجدر الإشارة إلى أنّ قانون الجمارك ينظّم العمل وصلاحيات ومسؤوليات الجمرك في المستودعات والمخازن ضمن الحرم الجمركي وكيفية التعامل مع البضائع المخزّنة فيها ، لا سيّما المواد 195، 197 ، 200 ، 201 ، 202، 205 ، 206 ، 207، 321، 435، 144 . علمًا أنّ المادة 199 لا تترك مجالًا للشكّ أنّ العنبر 12 هو مستودع جمركي مع الإشارة إلى إقفال بمفتاحين ، وهو ما تؤكّد عليه هذه المراسلة من رئيس دائرة المانيفست في الجمارك إلى إدارته حيث تضع العنبر 12 في خانة المخازن الجمركية .
الأجهزة الأمنية والعنابر
يجزم حسن قريطم بأنّه لم يملك خيار رفض تخزين نيترات الأمونيوم في العنبر 12 ، وهو الأمر الذي يعتبره بمثابة زرع قنبلة نووية في العاصمة !
أول شي هل انت بتعتقد انو المرفأ هو المكان المناسب لتخزين قنبلة نووية مثلاً
فراس : اكيد لأ وهيدا هون ملاحظة انكن قبلتوا كان يفترض ما تقبلوا هيدا يلي البعض بقوله
انا ما فيني ما اقبل انا اليوم كشركة ادارة واستثمارات بيروت وقت بدها تجي الدولة اللبنانية تقلنا بدنا نفضي باخرة نحن مجبورين نفضيها
فراس : مجبورين ؟
مجبورين نفضَيها طبعا مجبورين ما عنا خيار
23/3/2022
وفي هذا السياق يبرز نفي عبد الحفيظ القيسي أن يكون قد تواصل مع الجيش للتّعامل مع النيترات ، فيما ينفي قريطم أن يكون موضوع النّيترات قد طرح يومًا على طاولة اللّجنة المشتركة في المرفأ والّتي تضمّ الأجهزة العاملة على المرفأ ، بما فيها الأجهزة الأمنية .
فراس: الجيش اللبناني صار في أي تواصل خلال هالسنوات كلها بينكن وبينو ؟
عبد الحفيظ :لأ مع الجيش اللبناني ما صار في تواصل
30/3/2022
برجع بقلك في مسؤول عن الأمن العام مسؤول عن الجمارك ومسؤول عن المرفأ كل الاجتماعات اللي صارت بهاللجنة ما حدا خبّر هاللجنة ما حدا خبّر انو في هون خطر يشكّل هالنيترات الامونيوم يلي صارت نسبة الأزوت فيه بتزيد عن 33.5% في خطر على مرفأ بيروت
23/3/2022
من الثابت أنّ الجيش اللبناني كان على علم بوجود نيترات الأمونيوم داخل العنبر 12 أقله مع نهاية العام 2015 لما قامت مديرية العتاد بالكشف على المواد داخل العنبر . بناءً عليه يُصبح من غير المفهوم لماذا لم تقم أيّ من الإدارات العاملة بالمرفأ بمراجعة الجيش في أمر يقع ضمن اختصاصه وصلاحيته، إذ أنّ المراسلة الوحيدة جاءت من الجمارك بناءً على سؤال الجيش عن نسبة الآزوت في النيترات، ليوصي من بعدها الجيش بإعادة التصدير أو البيع من دون أن يتبع ذلك أيّ شكل من أشكال المتابعة لا من الجيش ولا أيّ من الإدارات المعنية .
نحن بالمرفا وبغير المرفأ هناك صلاحيات منصوص عنا بالمراسيم الاشتراعية الصادرة بسنة ال 59 تحدد المهام اللي بنقوم فيا وتحديدا في المرافىء ومرفأ بيروت نحن ما النا علاقة بالبضاعة
19/8/2021
يرفع الأمن العام عن نفسه أيّة مسؤولية تترتّب عليه ، معتبرًا أنّه مسؤول عن المسافرين حصرًا ، نافيًا أن يكون لقرارات صادرة وزارة الأشغال مفاعيل قانونية في ما يتّصل بالأمن العام وتكليفهم بمهام .
المذيعة : يقال انو القاضي طارق البيطار استند لمادة بشي اسمو قانون الموانىء والمرافىء يلي صادر سنة ال 1966 ويلزم الأمن العام بحراسة العنابر فضلا كمان عن انو استند على مراسلة تحديداً من رئيس دائرة الأمن العام تعود لسنة ال 2001 بخاطب فيها الجيش وبقلن انو نحن رح نأمن الى جانبكن الحراسة كمان عملاً بنظام الموانىء والمرافىء من الآخر قدر كمشك بشي طارق البيطار
عباس ابراهيم : لا لا هيدي كامة كمشني انا مش هربان لحدا يكمشني ولا متخبي ورا ايا عذر لقلك ست رولا هذا مش قانون
المذيعة : انا قلت شي اسمو نظام ال …
عباس ابراهيم : هذا قرار هيدا بال 66
المذيعة : صحيح
عباس : هيدا قرار وزاري من وزير غير ذو صلاحية هوي وزير الاشغال وزير الأشغال منو صاحب سلطة عالأمن العام وهذا القرار هوي وزير الداخلية صاحب السلطة وهذا القرار بس لمعلوماتك من ال 66 عندما كتب لغاية هيدي اللحظة لم ينفذ لانو صادر عن سلطة غير ذي صلاحية الأمن العام لا مطبقو ولا منفذو ولا آخد فيه
المذيعة : والمراسل؟
عباس ابراهيم : لأنو يتناقض مع المراسيم الاشتراعية اللي نظمت عمل الأمن العام يتناقض, هيدي المراسلة لم نسمع بها ولم نراها
18/9/2021
الخلاصة
بضائع على هذه الدرجة من الحساسية يتنصّل الكلّ من مسؤوليته عنّا ، والأخطر أنّ مدير الجمارك السابق يعترف بأنّه اطّلع على محضر عوار الحمولة المفرّغة بعد الإنفجار ، فيما يؤكد قريطم أنّ ما جرى كان مؤامرة ولكن لو عاد الزمن كان قد فعل الشيء نفسه !
أنا شخصيا ما شفت محضر الحوار يعني اتطلعت الحقيقة اتسنالي اتطلع بعد الانفجار وخاصة هلق بالفترة اللي أنا موقوف فيها على كتير من المذكرات وعلى كتير من الأمور.
23/3/2022
كان في مؤامرة مؤامرة لادخال هالبضاعة وتفخيخيها بلبنان لأن يلي حضر يلي خيّطها استعمل الادارات الموجودة يعني قدر مرّق عليهم موافقات وامضاءات وشو اسمه ادّت الى دخول هيدي البضاعة بس أنا ما بعتقد انو هيدا الشي بريء بريء كان
فراس : ومرقت عليكن جميعاً ؟
قريطم : طبعاً ومرقت علينا جميعاً
فراس : بتتحملوا جزء من المسؤولية بمحل ما ؟
قريطم: يعين مسؤولية معنوية بس هل كان فيي أعمل شي برجع اليوم بتطلّع بردع بشوف هالوراق اللي اجتني كنت عملت نفس الشي حتّى اليوم كنت رحعت مضيت
23/3/2022