طبعا نحنا حزب الله ليس لدينا رواية عن التفجير في مرفأ بيروت، يعني هلأ اذا واحد بدو يقول يا حزب الله انتو شو هي روايتكم، نحنا ما عنا رواية.. الرواية الصحيحة هوي اللي بقدمها من يقوم بالتحقيق ونحن لا نقوم بالتحقيق ولم نكلف بذلك ولم يكن مسؤوليتنا هي مسؤوليات الدولة والقضاء اللبناني والاجهزة الامنية اللبنانية . ونسمع الان انهم يستعينون بخبرات أميركية.. في مين قال انو بشرنا انو ال FBI جايين او اجوا، خبرات فرنسية وما شاكل، طيب.. نظريا في فرضيتين كبار، يعني يا هيك يا هيك بالحقيقة. الفرضية الاولى هي انو حادث عرضي وانو والله في نترا هودي النترات وفي حدهم مفرقعات وعم يلحموا الابواب والنار مشيت عالمفرقعات عملت حريق قام المفرقعات فقعوا قام المواد الترات انفجروا وحصل هيدا الانفجار وحادث عرضي والقصة هيي اهمال وفساد اداري وتقصير وعدم تحمل مسؤولية وغفلة وما شاكل. بالتالي يستبعد العمل التخريبي هاي فرضية والفرضية التانية لأ انو عمل تخريبي العمل التخريبي الو عدة أشكال في ناس حكوا عن طائرات في السماء قصفت هلأ سواءاً حربي أو مسيّر قصف هيدا حتى الآن ما في شي بيثبته وفي فرضية أخرى بالعمل التخريبي انو يكون حدا اجا تعمّد أن يحدث الحريق أو حط عبوة صغيرة ادت الى هذا الحريق الى هذا التفجير الى هذا الانفجار الانفجارات المتلاحقة طيب من يمكن أن يكون خلف هذا العمل التخريبي المتعمد ممكن الجهة الفلانية أو الجهة الفلانية وممكن اسرائيل ما حدا بيقدر ينفي

14/8/2020